SACA LA LLINGUA

Güei, 10 de mayu, los neños de Llingua de Xixón fueron a los III Alcuentros de la Mocedá cola Llingua. Esti añu fueron nel teatru Xovellanos. Ellí taben escolinos de tolos institutos de Xixón que tienen l' asignatura de Llingua Asturiana y, ente ellos, el nuesu, l'Emilio Alarcos. Fuimos y volvimos en bus. Ficimos fotos. Tamién pel camín y nel teatru mientres esperábemos peles actuaciones.
Ellí viemos actividaes tan prestoses como les que vienen darréu:
*Un monólogu de Cellero.
*Un videu d'ellos mesmos trabayando pola llingua.
*Otru monólogu de Benxa Pérez ( de Ha-Xareos)
y pa finar
*Un conciertu del grupu más consolidáu de la nuesa música, de la música n'asturianu: Dixebra.
Que nun se m'escaeza: portastisvos perbién.
PUXA ASTURIES.

MÚSICA N'ASTURIANU

Na clas de segundu de la ESO tenemos un rapacín, Xandru, que toca nun grupu musical. Ellos llámense Ásperos y toquen música punk. Tienen páxina web onde pues ver semeyes del grupu, un pocoñín de la so historia, los componentes, la so discografía, un foru au-yos puedes mandar mensaxes, descargues y enllaces. La so direición ye www.asperosxixon.tk.

MÁS POEMES

Sara Moreno Ordóñez, de primeru E vuelve a repetir. Fizo otru poema perguapu. Equí lu tenéis:
¡Cómo me presta la sidra asturiana!
Seya dulce o dea acidez
anque a la mio patria igual vuelva mañana
Asturies siempre recordaré.

Muncha xente conocío
a toos estrañaré
pero sé que na mio alma
siempre los tendré.

Asina'l so paraísu natural
asina la so xente
asina la so playa con sol
asina siempre na mio mente.